ရန်ကုန်တိုင်းဒေသကြီး အစိုးရအဖွဲ့၏ သတင်းထုတ်ပြန်ချက် ▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄…

ရန်ကုန်တိုင်းဒေသကြီး အစိုးရအဖွဲ့၏ သတင်းထုတ်ပြန်ချက်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
®®®®®®®®®®®®®®®®®®®®®®®®®®®®®®®®®®®®

ရန်ကုန်တိုင်းဒေသကြီး အစိုးရအဖွဲ့
သတင်းထုတ်ပြန်ချက် (၂/၂၀၁၅)
၂၀၁၅ ခုနှစ်၊ ဖေဖော်ဝါရီလ ၂၃ ရက်နေ့
၁၃၇၆ ခုနှစ်၊ တပေါင်းလဆန်း ၆ ရက်

၁။ ရန်ကုန်တိုင်းဒေသကြီး၊ မြောက်ပိုင်းခရိုင်၊ ရွှေပြည်သာစက်မှုဇုန်နှင့် လှိုင်သာယာစက်မှုဇုန်ရှိ စက်ရုံအချို့တို့မှ အလုပ်သမားအချို့တို့သည် လုပ်အားခတိုးရလိုမှုနှင့် စပ်လျဉ်း၍ ဆန္ဒပြတောင်းဆိုမှုများအပေါ် ရန်ကုန် တိုင်းဒေသကြီး အလုပ်သမားရေးရာ ညှိနှိုင်းဆွေးနွေးရေးအဖွဲ့သည် သက်ဆိုင်ရာ စက်ရုံအသီးသီးမှ အလုပ်ရှင်များ၊ အလုပ်သမားကိုယ်စားလှယ်များနှင့် တွေ့ဆုံ၍ ညှိနှိုင်းဆောင်ရွက်ပေးလျက်ရှိကြောင်း၊ ဥပဒေနှင့် မညီညွှတ်သော ကိစ္စရပ်များကို ဦးတည်ဆောင်ရွက်သူများကို အလုပ်ရှင်၊ အလုပ်သမား မခွဲခြားဘဲ တည်ဆဲဥပဒေများနှင့်အညီ အရေးယူဆောင်ရွက်သွား မည်ဖြစ်ကြောင်းကို ရန်ကုန်တိုင်းဒေသကြီး အစိုးရအဖွဲ့မှ သတင်းထုတ်ပြန်ချက် (၁/၂၀၁၅) ဖြင့် (၁၇-၂-၂၀၁၅) ရက်နေ့က ထုတ်ပြန်၍ သတိပေးခဲ့ပါသည်။

၂။ (၂၀-၂-၂၀၁၅) ရက်နေ့က ရွှေပြည်သာမြို့နယ်ရှိ စက်ရုံ(၃) ရုံရှေ့တွင် ယာယီတဲများထိုး၍ ညအိပ်ခြေပြုကာ ပိတ်ဆို့ဆန္ဒပြနေသော အစုအဖွဲ့များကိုလည်း မြို့မမြို့ဖများနှင့် ဥပဒေစိုးမိုးရေးအဖွဲ့များက ညှိနှိုင်းဖြန်ဖြေခဲ့ပါ သည်။ ထိုသို့ ဆွေးနွေးညှိနှိုင်း ဆွေးနွေးမှုများကြောင့် စက်ရုံ(၂)ခုရှေ့မှ ယာယီတဲများနှင့် အစုအဖွဲ့များကို ဖယ်ရှား ရှင်းလင်းနိုင်ခဲ့သော်လည်း ကျန်စက်ရုံ (၁) ရှေ့ရှိ အစုအဖွဲ့များမှာမူ ပြင်ပမှ ဆူပူလိုသူများနှင့် ပေါင်းမိပြီး ရပ်ရွာအေးချမ်းသာယာရေးနှင့် တရားဥပဒေစိုးမိုးရေးကို ထိခိုက်ပျက်ပြားစေရန် ဦးတည်ဆောင်ရွက်လာပါ သည်။ ထို့ကြောင့် တာဝန်ရှိသူများက တည်ဆဲဥပဒေနှင့် နိုင်ငံတကာ လုပ်ထုံးလုပ်နည်းများနှင့် အညီ တားဆီး ဆောင်ရွက်ခဲ့ရာ မလိုလားအပ်သော ထိခိုက်ဆုံးရှုံးမှုများ ဖြစ်ပေါ်ခဲ့ပါသည်။

၃။ ယနေ့အချိန်တွင် ရန်ကုန်တိုင်းဒေသကြီး အလုပ်သမားရေးရာ ညှိနှိုင်းဆွေးနွေးရေးအဖွဲ့၏ ကြိုးပမ်း စွမ်းဆောင်မှုနှင့် တာဝန်ရှိ အဖွဲ့အစည်းများ၏ ပူးပေါင်းဆောင်ရွက်မှု များကြောင့် ရွှေပြည်သာစက်မှုဇုန်ရှိ အထည်ချုပ်စက်ရုံ(၁)ရုံမှအပ ကျန်ဆန္ဒပြစက်ရုံအားလုံး အလုပ်ရှင်၊ အလုပ်သမားများ၏ ညှိနှိုင်းပြေလည် မှုများ ရရှိကာ အလုပ်သမားများအနေဖြင့် လုပ်ခလစာတိုးမြှင့်ရရှိပြီး အလုပ်ရှင်များအနေဖြင့်လည်း စက်ရုံများ ဆက်လက်လည်ပတ်ဆောင်ရွက်နိုင်ခဲ့ပြီ ဖြစ်ပါသည်။

၎။ သို့ဖြစ်ပါ၍ တာဝန်ရှိသူများအနေဖြင့် ညှိနှိုင်းဆောင်ရွက်သင့်သည်များကို ဆက်လက်ညှိနှိုင်း ဆောင်ရွက် သွားမည်ဖြစ်ပြီး ဥပဒေနှင့်မညီညွတ်သော အကြမ်းဖက်တောင်းဆိုဆန္ဒပြမှုများ၊ အဖျက်အမှောင့် ပြုလုပ် ပိတ်ဆို့မှုများ အပါအဝင် ရပ်ရွာအေးချမ်းသာယာရေးနှင့် တရားဥပဒေစိုးမိုးရေးကို ထိခိုက်ပျက်ပြားစေ ရန် ဦးတည်ဆောင်ရွက်သူများကို တည်ဆဲဥပဒေများနှင့် အညီအရေးယူ ဆောင်ရွက်သွားမည် ဖြစ်ကြောင်း ထပ်မံ သတိပေး လိုက်ကြောင်း သတင်းထုတ်ပြန်အပ်ပါသည်။

ရန်ကုန်တိုင်းဒေသကြီး အစိုးရအဖွဲ့

via MOI Webportal Myanmar’s Facebook Wall http://ift.tt/1Glh8UP http://ift.tt/g8FRpY

Leave a Reply