လွှတ်တော်ကိုယ်စားလှယ်တာဝန် ရုပ်သိမ်းခြင်းဆိုင်ရာ ဥပဒေကြမ်းကို လွှတ်တော်ထံ တင်သွင်းမည်

လွှတ်တော်ကိုယ်စားလှယ်တာဝန်မှ ရုပ်သိမ်းခြင်းဆိုင်ရာ ဥပဒေကြမ်းကို ပြည်ထောင်စုလွှတ်တော်ထံ တင် သွင်းနိုင်ရေးအတွက် ဆောင်ရွက်နေကြောင်း ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်မြင့် က ပြည်သူ့လွှတ်တော်မှာ ပြောကြားခဲ့ပါတယ်။

ဒီနေ့ ပြည်သူ့လွှတ်တော်အစည်းအဝေးမှာ ကြံ့ခိုင်ဖံွ့ဖြိုးရေးပါတီ ကိုယ်စားလှယ် ဦးသောင်းအေး က လွှတ်တော် ကိုယ်စားလှယ်တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကို ပြဌာန်းပေးဖို့ အစီအစဉ် ရှိ မရှိ မေးမြန်းခဲ့ရာ မှာ ကော်မရှင်အဖွဲ့ဝင် ဦးအောင်မြင့် က ပြန်လည်ဖြေကြားခဲ့တာဖြစ်ပါတယ်။

"ကျနော်တို့ ပြည်ထောင်စုရွေးကောက်ပွဲကော်မရှင်အနေနဲ့ ပထမအကြိမ်လွှတ်တော်တုန်းက ဆွေးနွေးထားတဲ့ လွှတ်တော်ကိုယ်စားလှယ်အသီးသီးရဲ့ ဆွေးနွေးချက်တွေကိုလည်း လေ့လာပြီးတော့ ဖွဲ့စည်းပုံအခြေခံဥပဒေပါ မူဘောင်နဲ့အညီ ဖြစ်နိုင်သရွေ့ အဖိတ်အစင်မဖြစ်အောင် ဥပဒေကြမ်း ရေးဆွဲမည်ဖြစ်ပါတယ်"

ပြီးခဲ့တဲ့ ပထမအကြိမ်လွှတ်တော်သက်တမ်းအတွင်း လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်း ဆိုင်ရာ ဥပဒေကို ပြဌာန်းနိုင်ရေး ဆွေးနွေးမှုတွေ ရှိခဲ့ပေမယ့် သဘောတူညီမှုမရခဲ့ဘဲ အဲဒီဆွေးနွေးမှုတွေကို ဆိုင်းငံ့ထားခဲ့ရပါတယ်။

၂၀၀၈ ဖွဲ့စည်းပုံအခြေခံဥပဒေမှာ လွှတ်တော်ကိုယ်စားလှယ်တစ်ဦးကို တာဝန်ကနေ ပြန်လည် ရုပ်သိမ်းလို တယ်ဆိုရင် သက်ဆိုင်ရာ မဲဆန္ဒနယ်ရဲ့ မူလ မဲဆန္ဒရှင်တွေထဲက တစ်ရာခိုင်နှုန်းက လက်မှတ်ရေးထိုး ပြီး ပြည်ထောင်စုရွေးကောက်ပွဲကော်မရှင်ထံ တင်ပြရမယ်လို့ ပြဌာန်းထားပါတယ်။

အဲဒီအချက်နဲ့ပတ်သက်ပြီး ဥပဒေကြမ်းမှာ မဲဆန္ဒရှင် ၈ ရာခိုင်နှုန်း ၊ ၁၀ရာခိုင်နှုန်း၊ ၂၀ ရာခိုင်နှုန်း၊ ၂၅ ရာခိုင်နှုန်း၊ မဲဆန္ဒရှင်တွေရဲ့ သုံးပုံ တစ်ပုံ လက်မှတ်နဲ့ တင်ပြရမယ်ဆိုတဲ့ ဆွေးနွေးမှုတွေ ရှိခဲ့ပါတယ်။

via သတင်းမဵား http://ift.tt/2kk1dDB http://www.rfa.org

Leave a Reply