ကချင်ဒုက္ခသည်စခန်း၊ မိုင်တိုင်အမှတ်(၆)


ဆရာစိုင်းအေးနှင့်အဖွဲ့ ကချင်ဒုက္ခသည်စခန်း၊ မိုင်တိုင်အမှတ်(၆) လူဟောင်ရွာသို့ ရောက်ရှိခဲ့ပါတယ်။ အမြင့်ပေ၉၀၀၀ မှာရှိပြီးတော့ အင်မတန်မှအေးပါတယ်။ ဆောင်ရာသီနှင့်ကျချိန်မှာ တစ်ထွာလောက်ထူတဲ့ ဆီးနှင်းများရှိပါတယ်။ (ဓါတ်ပုံ)၊ ဒုက္ခသည်ငါးရာခန့်ရှိပြီး၊ အိမ်ထောင်စု ၁၀၀လောက်ရှိပါတယ်။ အများစုဟာ လွန်ခဲ့တဲ့ တစ်နှစ်ကျော်ကတည်းက ကချင်နဲ့ဗမာတပ်မတော် တိုက်ခိုက်မှုများကြောင့် စစ်ဘေးရှောင်ရင်း ဒီနေရာကိုရောက်လာတာဖြစ်ပါတယ်။ တစ်လတခါ ၀မ်ကျောင်၊ ဂရုနာအဖွဲ့က ဆန်၊ဆီ၊ဆားများ လာရောက်ပေးပါတယ်။
တရုပ်ငွေလည်း သုံးစွဲဖို့ ပေးပါတယ်။ အနီးဆုံးဈေးက တနေကုန်လမ်းလျှောက်သွားရပါတယ်။ ဆရာစိုင်းအေးအဖွဲ့ဟာ ၅နာရီခွဲကြာအောင် မော်တော်ဆိုင်ကယ်များနဲ့ အခက်အခဲများစွာတွေ့ကြုံပြီး၊ ဒီဒုက္ခသည်စခန်းကို ရောက်ရှိခဲ့ပါတယ်။ စုစုပေါင်း ၅ညတိုင်အောင် ဒုက္ခသည်များနဲ့ အတူနေထိုင်၊ နှုတ်ကပတ်တော်များကို ဝေငှ၊ သီဆိုချီးမွမ်းခဲ့ကြပါတယ်။ အတူစားသောက်၊ချက်ပြုတ်ကြပါတယ်။ ကျောင်းစာသင်ကျောင်း ဆရာမများကို အင်တာဗျူးမှတ်တမ်းတင်ခဲ့ပါတယ်။ ရ၀မ်၊လဖိုင်၊ဂျိမ်းဖော အမျိုးသမီးများဖြစ်ကြပါတယ်။ ကလေးများနဲ့ဒုက္ခသည်များကို ကယ်တင်ခြင်းအကြောင်း၊ ယုံကြည်သူများအတွက် လိုအပ်ချက်များကို ယေရှု၊ ပေးဆပ်သွားခဲ့ပြီ၊ အသွေးတော်အားဖြင့် ကျွန်တော်တို့ ဒုက္ခဆင်းရဲခြင်းများမှ လွတ်မြောက်ခဲ့ကြောင်း နှုတ်ကပတ်တော်အားဖြင့်၊ အားပေးခဲ့ပါတယ်။ ဓမ္မသီချင်းများ သီဆိုချီးမွမ်းပြီး မော်တော်ဆိုင်ကယ်များနဲ့ ပြန်လာခဲ့ပါတယ်။ ဆရာစိုင်းအေးနှင့်အဖွဲ့မှ မအောင်ဆိုင်းဂျာ သက်သေခံတင်ပြပါတယ်။
16 minutes Interview Story by GospelInterview
http://www.youtube.com/watch?v=dVdG_xUMMCA