Than Than Htay in prison

မသန်းသန်းဌေး (Freed 12th October 2011)
သားကြီး (AAPP)

သြဂုတ် ၂၄၊ ၂၀၁၁

၈၈ ကို ဖြတ်သန်းခဲ့ကြတဲ့ ရဲဘော်ရဲဘက်တို့ကြားမှာ အကြည့်ဌေး လို့ ခေါ်ခံရသူဖြစ်တဲ့ မသန်းသန်းဌေးဟာ ၁၉၈၈ မှာ ဒုတိယနှစ် ဓာတုဗေဒ အဓိက ဘာသာရပ်နဲ့ ကျောင်းတက်နေရင်း ၁၉၈၈ မတ်လ ရန်ကုန်တက္ကသိုလ် တွင်း ဆန္ဒပြပွဲများမှ စလို့ ကျောင်းသားလှုပ်ရှားမှုများ မြန်မာ့ဒီမိုကရေစီအရေး လှုပ်ရှားမှုများအတွင်း ပါဝင်လာခဲ့သူဖြစ်ပါတယ်။

အကြည့်ဌေးဟာ ဗကသ အဖွဲ့ဝင်။ လူ့ဘောင်သစ် အဖွဲ့ဝင်၊ အမျိုးသား ဒီမိုကရေစီ အဖွဲ့ချုပ် အဖွဲ့ဝင် အဖြစ် ကျောင်းသားလှုပ်ရှားမှုများ၊ ကျောင်းသားဆန္ဒပြပွဲများ နဲ့ မြန်မာပြည်ဒီမိုကရေစီရေး လှုပ်ရှားမှုတွေမှာ စိတ်ရောကိုယ်ပါ တက်ကြွစွာအားပေး ပါဝင်ခဲ့သူပါ။
၁၉၉၁ ခုနှစ် အစောပိုင်းမှာ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်(အောက်ဗမာပြည်) နဲ့ ပူးပေါင်းလှုပ်ရှားမှုကြောင့် စစ်ထောက်လှမ်းရေးရဲ့ ဖမ်းဆီးခြင်းကို ခံခဲ့ရကာ မေလ၊ ၁၉၉၁ ခုနှစ်တွင် အလုပ်ကြမ်းနှင့် ထောင်ဒဏ် ၆ နှစ် ချမှတ်ခံခဲ့ရပြီး စစ်အစိုးရရဲ့ ၁၁/၉၂ အမိန့်အရ ၁၉၉၂ ခုနှစ်မှာ အင်းစိန်ထောင်ကနေ ပြန်လည်လွတ်မြောက်ခဲ့ပါတယ်။

ပြန်လည် လွတ်မြောက်ခဲ့ပြီးနောက် ဗကသ စည်းရုံးရေးကော်မတီတွင် ဆက်လက်လုပ်ဆောင်ခဲ့ပါတယ်။ အကြည့်ဌေးဟာ အခြားတက်ကြွ လှုပ်ရှားသူများကို အမြဲတစေ ကူညီခဲ့သူ ဖြစ်ပြီး၊ နိုင်ငံရေး အကျဉ်းသားများကိုလည်း အစားအစာနဲ့ လိုအပ်တဲ့ ပစ္စည်းများ ထောက်ပံ့ပေးလေ့ရှိပါတယ်။ အကြည့်ဌေးဟာ ၁၉၉၆ ခုနှစ်၊ ဒီဇင်ဘာင်္လ ကျောင်းသားများ ငြိမ်းချမ်းစွာ ဆန္ဒပြပွဲ၊ ၁၉၉၈ ခုနှစ် သြဂတ်လ ဆန္ဒပြပွဲများကိုလည်း တက်ကြွစွာ ထောက်ခံအားပေးခဲ့ပါတယ်။

၂၀၀၀ ခုနှစ် ဇွန်လမှာ အကြည့်ဌေးဟာ တခြားကျောင်းသားများနဲ့ အတူ တက္ကသိုလ်များ၊ ကောလိပ်များ ပြန်လည်ဖွင့်လှစ်ပေးရန်၊ နိုင်ငံရေး အကျဉ်းသားများ အားလုံး ပြန်လည်လွတ်ပေးရန်၊ မြန်မာနိုင်ငံတွင် ကျောင်းသားသမဂ္ဂ တရားဝင် အဖွဲ့အစည်း တခု ဖြစ်လာစေရန် တို့ကို လှုပ်ရှား တောင်းဆိုခဲ့တဲ့အတွက် ထပ်မံ ဖမ်းဆီးခံခဲ့ရပါတယ်။

မသန်းသန်းဌေးကို နိုင်ငံရေး အကျဉ်းသားများ ထောက်ပံ့မှု၊ ဗကသ နိုင်ငံခြားရေးကော်မတီ အပါအဝင်၊ အခြား ပြည်ပရောက်အဖွဲ့အစည်းများနဲ့ ဆက်သွယ် လုပ်ကိုင်တယ် ဆိုပြီး ထောင်ဒဏ်၁၇ နှစ် ချမှတ်ခံခဲ့ရပါတယ်။

အခု အမျိုးသမီး အကျဉ်းသူများထဲမှာ ထောင်ဒဏ် ၂ကြိ်မ်ကျခံခဲ့ရပြီးသူ၊ ယခုအချိန်ထိ အင်းစိန်အကျဉ်းထောင်ထဲ ပထမအကြိမ်နှင့် ဒုတိယအကြိမ် စုစုပေါင်း ထောင်တွင်းနေထိုင်မှု (၁၃နှစ်ကျော်) ရှိနေသူဖြစ်ပါတယ်။

အကြည့်ဌေး ဟာ ၁၉၈၈ မှ ယနေ့တိုင် နိုင်ငံရေးလှုပ်ရှားမှု ရဲဘော်ရဲဘက်များအတွင်း၊ နိုင်ငံရေးအကျဉ်းသားများအတွင်း စိတ်ထားကောင်းသူ၊ ခင်မင်ဖေါ်ရွှေတတ်သူ၊ နှမြောတွန့်တိုမှု မရှိဘဲ ပေးကမ်းကူညီတတ်သူအဖြစ် အားလုံးက ခင်မင်သူဖြစ်ပါတယ်။

အာဏာပိုင်များ အငြိုးထား စောင့်ကြည့်လို့ မသန်းသန်းဌေး အဖမ်းအဆီးခံရ ထောင်ဒဏ်ကျခံရသည့်အပြင် မိသားစုဝင်များပါ ရှောင်တိမ်းပုန်းအောင်းရင်း ညီအကို မောင်နှမများလည်း ယခုချိန်ထိ တကွဲတပြား ဖြစ်ခဲ့ရပါတယ်။

အကျဉ်းထောင်တွင်း နှစ်ရှည်နေထိုင်ခဲ့ရမှုကြောင့် မတ်လ ၂၀၀၆ ခုနှစ်ကတည်းက စပြီး ပြင်းထန်ဆိုးရွားလှတဲ့ ခေါင်းကိုက်ရောဂါ ရရှိလာပါတယ်။ ၂၀၀၆ ခုနှစ်မှ ၂၀၀၈ ခုနှစ်အထိ ဆရာဝန် ကြည့်ရှု ကုသခွင့်ကို အကြိမ်တော်တော် များများ ရရှိခဲ့ ပေမယ့် ဝေဒနာကို ဆက်လက်ခံစားနေရပါတယ်။ စက်တင်ဘာလ၊ ၂၀၀၈ နောက်ပိုင်းမှာတော့ ဆေးဝါးကုသခွင့် ထပ်မရတော့ဘူးလို့ သိရပါတယ်။ အခုအချိန်မှာတော့ အဆစ်ကိုက် ရောဂါနှင့် အဆစ်ရောင် ရောဂါဝေဒနာများကိုပါ ခံစားနေရတယ်လို့ ကြားသိရပါတယ်။

အားလုံးနဲ့ ခင်မင်ပြီး စိတ်သဘောထားကောင်းလှတဲ့ အကြည့်ဌေးတယောက် ကျန်းမာစွာဖြင့် အမြန်ဆုံး လွတ်မြောက်လာပါစေ။

(လွတ်ရက်စေ့တော့မယ့် အကြည့်ဌေး လွတ်မြောက်လာပါပြီ)


Win Maw (Shwe Than Zin)

ကျောက်ဖြူထောင်ထဲက ဂီတသမား ကိုဝင်းမော်


၁၉၈၈ မတိုင်ခင်က “Computer Control” အမည်ရှိ တီးဝိုင်းမှာ လိဒ် ဂစ်တာသမား တစ်ယောက် အဖြစ် ရှိနေခဲ့တဲ့သူ။
“ရွှေသံစဉ်” ဂစ်တာဝိုင်းကို ဦးဆောင်ခဲ့သူ။ ၈၈ အရေးတော်ပုံကြီးထဲမှာ အနုပညာသည်အုပ်စုတွေနဲ့ ပါဝင်ခဲ့သူပါ။

၁၉၉၆ ခုနှစ် နိုဝင်ဘာလမှာ ဒေါ်အောင်ဆန်းစုကြည် ကို အားပေး ထောက်ခံတဲ့ သီချင်းတွေ ဆိုတဲ့အတွက် ပုဒ်မ ၅(ည) နဲ့ ထောင်၇ နှစ် ချခံရပါတယ်။
တောင်ငူထောင် နေထိုင်ရစဉ် ဘ၀တူ ရဲဘော်များရဲ့ အချစ်ခင်ရဆုံး ပုဂ္ဂိုလ်တယောက်လည်း ဖြစ်ခဲ့ပါတယ်။
စိတ်ရှည်တယ်၊ သည်းခံတတ်တယ်၊ ညှာတာတယ်၊ ရပ်တည်ချက်ရှိတယ် ဆိုတာ ကိုဝင်းမော်ရဲ့ အရည်အချင်းတွေပါပဲ။ ရသမျှ သစ်တို သစ်စလေးတွေနဲ့ ဂစ်တာတလက် ဖြစ်အောင် ဖန်တီးပြီး နိုင်ငံရေး အကျဉ်းသား ညီငယ်တွေကို ဂစ်တာတီး သင်ပေးရင်း ကိုယ်ပိုင် သီချင်းလေးတွေကို ရေးဖွဲ့ခဲ့ပါသေးတယ်။
ထောင်တွင်း ရှာဖွေရေး လာချိန်မှာတော့ ဂစ်တာလေးကို တစစီ ဖြုတ်ရ၊ ဖွက်ရ၊ ပြီးမှ ပြန်ဆင်ရတာပေါ့လေ။

၂၀၀၂ နိုဝင်ဘာမှာ ထောင်က လွတ်ပါတယ်။ မိသားစုဘ၀ကို ကြိုးစား တည်ဆောက်ရင်း “အလင်္ကာ” ဆိုတဲ့ ဂစ်တာဝိုင်းတခု ပြန်ပြီး ထူထောင်ခဲ့ပါတယ်။
ဖခင်ကြီး၊ ဇနီး၊ သားသမီး ၄ ယောက်ကို တာဝန်ယူ ဦးဆောင်နေသူ ဖြစ်ပေမယ့်လည်း နိုင်ငံရေးအကျဉ်းသားဟောင်းတွေနဲ့ တွေ့ဆုံလို့ မြန်မာပြည်ရဲ့
လူ့အခွင့်အရေး၊ ဒီမိုကရေစီအရေး၊ အမျိုးသား ပြန်လည် သင့်မြတ်ရေးတို့အတွက် ဆွေးနွေး၊ အကြံပေးသူပါ။

၂၀၀၇ စက်တင်ဘာ သံဃာ့လှုပ်ရှားမှု ဖြစ်လာချိန်မှာတော့ ကိုဝင်းမော်ဟာ စစ်အာဏာရှင်တွေရဲ့ ရက်စက် ကြမ်းကြုတ်မှု၊ ဘာသာတရားအပေါ် စော်ကားမှု၊ လူမဆံမှုတွေကို ဒီမိုကရက်တစ် မြန်မာ့အသံကနေ ကမ္ဘာသိအောင် တင်ပြနိုင်ခဲ့သူ တဦး ဖြစ်လာပါတယ်။

၂၀၀၇ နိုဝင်ဘာ ၂၇ ရက်နေ့မှာ သူ ဖမ်းဆီးခံရ၊ စစ်ကြောရေးကာလတွင်း ပြင်းပြင်းထန်ထန် နှိပ်စက်ခံရပါတယ်။
ဒီတခါတော့ ထောင် ၁၄ နှစ် ချခံရပါတယ်။ သူ အခု ကျောက်ဖြူထောင်မှာ ရောက်နေပါတယ်။
ဂစ်တာသမား၊ အနုပညာသမားက ဖိနှိပ်မှုကို ဆန့်ကျင်၊ လွတ်လပ်မှုကို အမြဲ လိုလားနေဆဲပါ။

“ကိုဝင်းမော် တယောက် ဖခင်ကြီး၊ ချစ်တဲ့ဇနီး၊ သားသမီးများနဲ့ အမြန်ဆုံး ပြန်လည် ဆုံတွေ့နိုင်ပါစေ။”

သားကြီး (AAPP)

Phyo Phyo Aung


Hip Hop ကြိုက်တဲ့၊ မောင်လမြိုင်ထောင် ရောက်နေတဲ့ မဖြိုးဖြိုးအောင်
(FREED – 12th October 2011)
သားကြီး(AAPP)
ဇွန် ၂၅၊ ၂၀၁၁

၂၀၀၇ ခုနှစ် ဗကသ ပြန်ဖွဲ့ရာမှာ ခေါင်းဆောင်တဦး၊ အဖွဲ့ဝင်တဦး အနေနဲ့ ပါဝင်သူ မဖြိုးဖြိုးအောင်(ခေါ်) မနှင်းပွင့်ဝေဟာ အဲဒီအချိန်က နည်းပညာ တက္ကသိုလ် မြို့ပြအင်ဂျင်နီယာ ကျောင်းသူပါ။
၂၀၀၇ ရွှေဝါရောင် တော်လှန်ရေးကာလ ဗကသ လှုပ်ရှားမှုတွေကြောင့် အာဏာပိုင်များ လိုက်လံဖမ်းဆီးလို့ မဖြိုးဖြိုးအောင် တိမ်းရှောင်ရပါတယ်။
၂၀၀၈ နာဂစ်ဒေသကို ကူညီဖို့ ပုန်းနေရာက ထွက်ပြီး သူငယ်ချင်းများနဲ့အတူ ဖခင်ဖြစ်သူရဲ့ဦးဆောင်မှုနဲ့ အစားအစာ ဝေငှခြင်း၊ တလကျော်ကြာ ဥပက္ခောပြုခံထားရတဲ့ ရုပ်အလောင်းများ ရှင်းလင်း မြှုပ်နှံခြင်းတွေ လုပ်ခဲ့ပါတယ်။
ဧရာဝတီတိုင်း အပြန်လမ်းမှာ သူတို့ အားလုံး အဖမ်းခံရပြီး မဖြိုးဖြိုးအောင် ထောင် ၄ နှစ် ကျပါတယ်။ မော်လမြိုင်ထောင် ရောက်ပါတယ်။ ဖခင်က ဖားအံထောင် ရောက်ပါတယ်။ မိသားစုက ၂ နေရာ ခွဲပြီး ထောင်ဝင်စာ တွေ့ရတာပါ။
ဖခင်ဖြစ်သူက မကြာခဏ ထိန်းသိမ်းခံရသူပါ။ ၁၉၈၉ မှာ ဒေါက်တာနေ၀င်း ထောင် ၁၅ နှစ် ချခံရချိန်မှာ မဖြိုးဖြိုးအောင်ဟာ တနှစ်သမီးပဲ ရှိပါသေးတယ်။ မိခင်ရဲ့ သွန်သင်မှု၊ ဖခင်ရဲ့ ထောင်ဝင်စာ သံဇကာတွေ ကြားက ဆုံးမမှုတွေနဲ့ ကြီးပြင်းခဲ့ပြီး ပညာ ကြိုးစား သင်ပါတယ်။ ပညာရေး အခွင့် အလမ်းတွေကိုလည်း မပြည့်စုံတဲ့ မိသားစု ဘ၀ထဲက ခက်ခက်ခဲခဲ ရှာဖွေရပါတယ်။
ဖခင် ဒေါက်တာနေ၀င်းက ဒီနှစ် မေလမှာ ပြန်လွတ်လာပါပြီ။ မဖြိုးဖြိုးအောင် ကတော့ မော်လမြိုင် ထောင် အတွင်း ကြမ်းတမ်း ခက်ခဲမှုတွေကို ယုံကြည်ချက်နဲ့ ကျော်ဖြတ်ဆဲပါ။
ဟစ်ပ်ဟော့နဲ့ ပေါ့ပ် ဂီတကို နှစ်သက်တဲ့၊ အင်္ဂလိပ်စာ၊ ကွန်ပြူတာ ဘာသာရပ်တို့ကို အထူး စိတ်ဝင်စားတဲ့၊ အများ အကျိုးဆောင်ရွက်တဲ့ မဖြိုးဖြိုးအောင် မိသားစုနဲ့ အမြန်ဆုံး ပြန်လည် ဆုံဆည်းပါစေ။

မဖြိုးဖြိုးအောင် လွတ်မြောက်ရေး လှုံ့ဆော်နေသူတဦး
enigmaimages.wordpress.com

Honney Oo

မဟန်နီဦး
ဇွန် ၅၊ ၂၀၁၁


ဒဂုံတက္ကသိုလ် ဥပဒေ နောက်ဆုံးနှစ် ကျောင်းသူတဦး ဖြစ်ပြီး ၂၀၀၇ သြဂုတ်လ (၂၈) ရက်နေ့မှာ ပြန်လည် ဖွဲ့စည်းခဲ့တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ရဲ့ ခေါင်းဆောင်များထဲက တယောက် ဖြစ်ပါတယ်။

ဖခင်ဖြစ်သူ ဦးထွန်းဦး ဟာလည်း ထောင် ၂ ကြိမ်ကျခဲ့တဲ့ နိုင်ငံရေးအကျဉ်းသားဟောင်း၊ ရှေ့နေ တဦးလည်း ဖြစ်ပါတယ်။

၂၀၀၇ ခုနှစ်မှာ မဟန်နီဦးက သူ အင်္ဂလိပ်စာသင်တန်းတက်နေတဲ့ အမေရိကန်စင်တာရဲ့ စာကြည့်တိုက် အဖွဲ့ဝင် တဦး ဖြစ်ခဲ့ပါတယ်။ အဲဒီမှာ နိုင်ငံရေး နဲ့ ဒီမိုကရေစီအကြောင်း စာအုပ်တွေ ဖတ်ရှု လေ့လာကြ အပြန်အလှန် ဆွေးနွေး ဖလှယ်ကြ၊ ၈၈ မျိုးဆက် ကျောင်းသားများနဲ့ တွေ့ဆုံ ဆွေးနွေး စကားပြောကြရင်း မြန်မာနိုင်ငံရဲ့ လူ့အခွင့်အရေး၊ ဒီမိုကရေစီရေး အခြေအနေတွေကို ပိုမို သိမြင်လာခဲ့ပါတယ်။

၂၀၀၇ စက်တင်ဘာ သံဃလှုပ်ရှားမှုများ အတွင်းမှာ ဗကသများ အဖွဲ့ချုပ်ဟာ ပြည်သူ့ရှေ့က မားမားရပ်လို့ ပြည်သူတွေရဲ့ လိုအပ်ချက်တွေကို တောင်းဆို လှုပ်ရှားခဲ့ပြီးနောက် အာဏာပိုင်တွေရဲ့ လိုက်လံ ဖမ်းဆီးမှုတို့ကြောင့် ဗကသ ခေါင်းဆောင်များ တိမ်းရှောင်နေခဲ့ရပါတယ်။

မဟန်နီဦး၊ ကိုကျော်ကိုကို၊ ကိုစည်သူမောင်တို့ ရှောင်ပုန်းနေတဲ့အိမ်ကို ၂၀၀၇ ခုနှစ် အောက်တိုဘာလ ၉ ရက်နေ့ နေ့လယ် ၃ နာရီလောက်မှာ လုံခြုံရေးတပ်ဖွဲ့များက အင်အား အလုံး အရင်းနဲ့ ၀င်ရောက် စီးနင်းခဲ့ပါတယ်။ ၂ ယောက် အဖမ်းခံခဲ့ရပြီး ကိုကျော်ကိုကို ကတော့ အနီးပတ်ဝန်းကျင်မှ ပြည်သူများရဲ့ အကူအညီနဲ့ လွတ်သွားတယ်လို့ သိရပါတယ်။

မဟန်နီဦးကို ကျောင်းသားသမဂ္ဂမှာ ပါဝင်မှု၊ နိုင်ငံခြား သတင်းဌာနများနဲ့ ဆက်သွယ်မှု၊ ၂၀၀၇ စက်တင်ဘာ ၂၅၊ ၂၆ ရက်နေ့ တို့မှာ မင်္ဂလာဈေး ကနေ နတ်မောက်လမ်းအထိ လမ်းလျှောက်ဆန္ဒပြမှု၊ ယုဇနပလာဇာမှာ ဆန္ဒပြမှု တို့မှာ ပါဝင်မှု စတာတွေနဲ့ တရားစွဲခံခဲ့ရပါတယ်။

တကယ်တော့ မဟန်နီဦးက စက်တင်ဘာ ၂၅ မှ ၂၆ ရက်နေ့ တို့မှာ ဒဂုံတက္ကသိုလ် နောက်ဆုံးနှစ် ဥပဒေ စာမေးပွဲကို ဖြေဆိုနေတာပါ။ တက္ကသိုလ် တာဝန်ရှိသူတွေက မဟန်နီဦးသည် အဲဒီအချိန်က စာမေးပွဲခန်းထဲ ရှိနေတယ် ဆိုတာ မှန်ကန်ကြောင်း ထောက်ခံစာ မရေးပေးခဲ့ပါဘူး။ သက်သေခံ ပြောဆိုပေးဖို့လည်း ငြင်းခဲ့ပါတယ်။

သက်သေ ထင်ရှားစွာ မပြနိုင်ဘဲ မဟန်နီဦးကို
၁။ ရာဇသတ်ကြီး ဥပဒေ ပုဒ်မ ၁၄၃ နှင့် ဆန့်ကျင်သော အစုအဝေး၌ ပါဝင်သူ ဖြစ်ခြင်း
၂။ ရာဇသတ်ကြီး ဥပဒေ ပုဒ်မ ၁၄၅ လူစုခွဲရန် အမိန့် ပေးပြီးကြောင်း သိပါလျက် ဥပဒေနှင့် ဆန့်ကျင်သော အစုအဝေး၌ ပါဝင်ခြင်း (သို့မဟုတ်) ဆက်လက် ပါဝင်ခြင်း
၃။ ရာဇသတ်ကြီး ဥပဒေ ပုဒ်မ ၁၃၄ (က) နိုင်ငံတော် အကြည်အညို ပျက်အောင် ပြုလုပ်ခြင်း
၎။ အသင်းအပင်း ဖွဲ့စည်းခြင်း ဆိုင်ရာ ဥပဒေ ပုဒ်မ ၆
တို့နဲ့ တရားစွဲပြီး ၂၀၀၈ ခုနှစ် နိုဝင်ဘာလ ၁၃ ရက်နေ့မှာ ထောင် ၉ နှစ် ၆ လ ချမှတ်ခဲ့ပါတယ်။

နိုဝင်ဘာလ ၂၄ ရက်နေ့မှာ မဟန်နီဦး ကို ထောင်ပြောင်းလိုက်ပါတယ်။ ရန်ကုန်မြို့ အင်းစိန်ထောင်ကနေ သူ့မိသားစုနဲ့ ၆၀၇ မိုင် ကွာဝေးတဲ့ လားရှိုးထောင်ကို ပြောင်းလိုက်တာပါ။

ကျောင်းသူ ကျောင်းသား၊ လူငယ် လူရွယ်တွေကို ငဲ့ညှာ ထောက်ထားမှု မရှိဘဲ ကြီးလေးတဲ့ ထောင်ဒဏ်တွေ ချမှတ်ပြီး မိသားစုနဲ့ဝေးရာ အကျဉ်းထောင်တွေကို ရွေ့ပြောင်းတဲ့နည်းနဲ့ စစ်အာဏာရှင်တွေက သူတို့ရဲ့ ရက်စက်တဲ့ သရုပ် သဏ္ဌာန် အစစ် အမှန်ကို ပြသလိုက်တာပဲ ဖြစ်ပါတယ်။

မဟန်နီဦး တယောက် မိသားစုရဲ့ ရင်ခွင်ကို အမြန်ဆုံး ပြန်လည် ရောက်ရှိပါစေ။

သားကြီး (AAPP)

Aye Thida, a Burmese journalist in prison

ထောင် ၁၈ နှစ် ကျနေတဲ့ သတင်းသမား မအေးသီတာ
(FREED 12th OCTOBER 2011)



အင်တာနက်ဂျာနယ်၊ 7Day News ဂျာနယ် တို့မှာ လုပ်ကိုင်ခဲ့တဲ့ မအေးသီတာဟာ ဒဂုံတက္ကသိုလ်က ဘောဂဗေဒဘွဲ့ ရထားသူ ဖြစ်ပါတယ်။ ငှက်ပျောသီးဇော်ဝင်းလို့ လူသိများတဲ့ ပန်းချီဆရာ ဦးဇော်ဝင်းရဲ့ သမီးပါ။

၂၀၀၅ ခုနှစ် ၈၈ မျိုးဆက်ကျောင်းသားများရဲ့ လှုပ်ရှားမှုတွေမှာ လွပ်လပ်မှု၊ ငြိမ်းချမ်းမှု တို့ကို လိုလားသူတဦး အနေနဲ့ ပါဝင် ဆောင်ရွက်ခဲ့ပါတယ်။
၂၀၀၇ စက်တင်ဘာ သံဃာ အရေးအခင်းအပြီး အောက်တိုဘာ ၁၄ ရက်နေ့မှာ စစ်ထောက်လှမ်းရေး အဖွဲ့များက သူ့ကို နေအိမ်မှာ သွားဖမ်းကြပါတယ်။ စစ်ကြောရေးစခန်း၊ အင်းစိန်ထောင်တို့မှာ ချုပ်ထားပြီး ဒီဇင်ဘာမှာ ဆက်သွယ်ရေး အက် ဥပဒေ ပုဒ်မ ၃၃(က)နဲ့ ၇ နှစ် ချလိုက်ပါတယ်။
၂၀၀၈ နိုဝင်ဘာမှာတော့ အမျိုးသား ညီလာခံ ကာကွယ်သည့် ဥပဒေ ပုဒ်မ ၅(၉၆)၊ အစိုးရကို အကြည်ညို ပျက်စေသည့် ရာဇသတ်ကြီး ဥပဒေ ပုဒ်မ ၅၀၅(ခ)၊ အသင်း အဖွဲ့ ဆိုင်ရာ ဥပဒေ ပုဒ်မ(၆) တို့နဲ့ ၁၁ နှစ် ထပ်ချပြန်တယ်။ ရန်ကုန်နဲ့ မိုင်၁၀၀ ကျော်ဝေးတဲ့ ဟင်္သာတထောင်ကို ရက်ပိုင်းအတွင်း ပြောင်းလိုက်ပါတယ်။
မိသားစုက ဒီသတင်း မရလိုက်တဲ့ အတွက် လိုအပ်တဲ့ ဆေးဝါး၊ အ၀တ်အစား၊ စောင်၊ စားစရာ တို့ကို ထည့်မပေးနိုင်ခဲ့ပါဘူး။ ကာလအတော်ကြာမှာ အဆက်အသွယ် ပြန်ရတော့လည်း နယ်ဝေးထောင် ဖြစ်တဲ့အတွက် မိသားစုက တခါတရံမှပဲ ထောင်ဝင်စာ သွားတွေ့နိုင်ကြပါတယ်။
မအေးသီတာဟာ မိမိရဲ့ ယုံကြည်ချက်နဲ့ ရပ်တည်မှုအတွက် ကြမ်းတမ်းလှတဲ့ ထောင်တွင်း နေထိုင်မှု ဘ၀ကို ကြံ့ကြံ့ခံလို့ ကျော်ဖြတ်နေဆဲပါ။
ဟင်္သာတ အကျဉ်းထောင်ထဲက မအေးသီတာ အမြန်ဆုံး လွတ်မြောက်ပြီး မိသားစုနဲ့ ပျော်ရွှင်စွာ ဆုံဆည်းနိုင်ပါစေ။
သားကြီး (AAPP)


Mya Aye

ကိုမြအေး
သားကြီး(AAPP)
မတ် ၁၄၊ ၂၀၁၁


စ ဆုံဖူးတာက ရန်ကုန်တက္ကသိုလ်မှာ စတည်တဲ့ ဘွဲ့ရကျောင်းသားဟောင်းများ သမဂ္ဂမှာ၊ ၈၈ အရေးတော်ပုံကြီးထဲမှာ သူက တက်တက်ကြွကြွ။ နောက်တော့ မောင်ထော်လေးလမ်းထဲက ဂေါ်ဇဒါ (GOSDA) လို့ အလွယ် ခေါ်ကြတဲ့ ဘွဲ့ရ ကျောင်းသားဟောင်းများ အဖွဲ့။ အဲဒီတုန်းက ကျောင်းသားတွေ ဆုံရပ်မှာပေါ့- နောက်ပိုင်း စုစုဝေးဝေး ပြန်ဆုံကြတော့ ၁၉၉၀ ဧပြီ အင်းစိန်ထောင် ၅ ဆောင်မှာ။

သူက မြောက်ပိုင်း ABSDFနဲ့ ဆက်သွယ်မှု အပါအ၀င် စာအုပ်စိမ်း လို့ ခေါ်တဲ့ အုပ်စုနဲ့ အတူ ပုဒ်မ ၅ည။ ၁၇/၁ နဲ့ ထောင် ၈ နှစ် ကျနေချိန်။ ၁၉၉၀ မေဒေးနေ့မှာ အကျဉ်းသား အခွင့်အရေး တောင်းဆိုကြတော့ ထောင်စည်းကမ်း ဖောက်ဖျက်တယ် ဆိုပြီး ဦးဆောင်သူ ကိုမြအေးကို ထောင်အထူးအရာရှိ ဦးဘိုကြည်က စီးထားတဲ့ သားရေဖိနပ်နဲ့ ပါးရိုက်ပြီး အပြစ်ဒဏ် ပေးခဲ့တယ်။ နောက် အားလုံးကို လူစုခွဲ။ ထောင်ဝင်စာတွေ ပိတ်တဲ့သူပိတ်။

ဒီနောက် အသီးသီး ထောင်တွေပြောင်းခဲ့ကြ။ ဝေးခဲ့ကြ။ သူလွတ်၊ ကိုယ်ပြန်ဝင်။ ထောင်သံသရာထဲမှာ ဖြတ်သွား ဖြတ်လာ။ သူက တောင်ငူထောင်က လွတ်ပြီး မိသားစု စီးပွားရေး၊ မိသားစုဘ၀ကို တည်ဆောက်နေရင်း ၈၈ အုပ်စုတွေနဲ့ မစိမ်း။ နိုင်ငံရေးလောကနဲ့ မပြတ်။ လူမှုရေးပွဲတွေ သွားလာ သတင်းမေး၊ အထဲရောက်နေသူတွေကို လက်လှမ်းမှီသလောက် ကူညီရင်းနဲ့ပေါ့။

၈၈ မျိုးဆက်ကျောင်းသားတွေ ပြန်စုစည်းမိကြတော့ သူငယ်ချင်းဟောင်းတွေ ပြန်ဆုံဆည်းဖို့၊ သမီး ၁၀ တန်း အောင်တဲ့ အထိမ်းအမှတ် ပွဲလေး လုပ်ဖို့ ကန်တော်ကြီးစောင်းက စိတ်တိုင်းကျ လ္ဘက်ရည်ဆိုင်မှာ စီစဉ်တော့ SB က ခွင့်မပြု။ ကန့်သတ် ချုပ်ချယ်မှုတွေက နိုင်ငံရေး အကျဉ်းသားဟောင်းတွေပေါ် အမြဲ ရှိနေတာကိုး- အဲဒီနောက်တော့ ၈၈ မျိုးဆက်တွေနဲ့ ပြန်လက်တွဲရင်း အားလုံးကို စုစည်းနိုင်ဘို့ စိတ်ရှည်ရှည်နဲ့ စည်းရုံး ဖိတ်ခေါ်၊ ဆွဲခေါ်ခဲ့သူပါ။

ကိုမြအေးက စိတ်ရှည်တယ်။ သည်းခံတတ်တယ်။ ကူညီတတ်တယ်။ အစ္စလမ် ယုံကြည် ကိုးကွယ်ပေမဲ့လည်း မြန်မာပြည် ဒီမိုကရေစီအရေး၊ အမျိုးသား ပြန်လည်သင့်မြတ်ရေးတွေ အတွက် ဘာသာရေး ဆုတောင်းပွဲတွေက အစ တက်တက်ကြွကြွ ဆောင်ရွက်ခဲ့သူပါ။

မိသားစုရဲ့ စီးပွားရေး ဖြစ်တဲ့ ကားဂိတ် လုပ်ငန်းလဲ အပိတ်ခံရတယ်။ စစ်အုပ်စုက နိုင်ငံရေး အကျဉ်းသားဟောင်းတွေကို စီးပွားရေး လုပ်ခွင့်က အစ ကန့်သတ်ထားကြတာ။

၂၀၀၇ သြဂုတ်လအတွင်း လောင်စာဆီ ဈေးတက်တာကို ၈၈ မျိုးဆက်တွေနဲ့ အတူ ဆန့်ကျင် ဆန္ဒပြ လမ်းလျှောက်ခဲ့တယ်။ ဒါကြောင့် ထပ်အဖမ်းခံရပြီး ထောင်ဒဏ် ၆၅ နှစ်နဲ့ ၆ လ ချမှတ် ခံရပါတယ်။ အင်းစိန်ကနေ မိသားစုနဲ့ အလှမ်းကွာဝေးတဲ့ လွိုင်ကော်ထောင် ရောက်သွားပြီး နောက်ဆုံး တောင်ကြီးထောင်ကို ပြောင်းရွှေ့ခံရပါတယ်။

သားကြီး (AAPP)

photo: BCUK

ကိုမြအေးရဲ့သမီး မဝေနှင်းပွင့်သုန် ဟာ ယခုအခါ Burma Campaign UK မှာ ပါဝင်လို့ မြန်မာပြည် ဒီမိုကရေစီအရေး အတွက် တက်ကြွစွာ ဆောင်ရွက်နေပါတယ်။

ကိုမြအေးတို့ မိသားစု အမြန်ဆုံး ပြန်လည် ဆုံဆည်း၊ ပျော်ရွှင်ကြပါစေ။

Zaw Ye Win


တောင်ငူထောင်ထဲက ဇော်ရဲဝင်း 
(Freed on 12th October 2011) 
သားကြီး (AAPP)
ဖေဖော်ဝါရီ ၂၁၊ ၂၀၁၁


၁၉၈၈ ကျောင်းသားလှုပ်ရှားမှုတွေ စဖြစ်တော့ သူက ဒုတိယနှစ် ရန်ကုန် စက်မှုတက္ကသိုလ်ကျောင်းသား။ မဆလ တပါတီ အာဏာရှင်တွေရဲ့ ရက်စက် လိမ်ညာ ကောက်ကျစ်မှုတွေကို ကျောင်းမှာ ကိုယ်တိုင် မြင်ခဲ့ရပြီး ကျောင်းသားလှုပ်ရှားမှုတွေထဲ ရောက်လာသူပါ။
စက်မှုတက္ကသိုလ် ကျောင်းသားသမဂ္ဂထဲ ပါဝင်ခဲ့ပြီး ကျောင်းသားတွေရဲ့အရေး၊ မိဘပြည်သူတွေ အရေး၊ မြန်မာပြည် ဒီမိုကရေစီ အရေးကို တက်ကြွစွာ ဆောင်ရွက်ခဲ့သူပါ။
၁၉၉၀ မတ်လမှာတော့ ကျောင်းသား ကိုဖုန်းမော်ကျဆုံးခြင်း ၂ နှစ်ပြည့် အခမ်းအနား ကျင်းပနိုင်ဘို့ စီစဉ်နေရင်း အဖမ်းအဆီး ခံရကာ စစ်ခုံရုံးက ထောင်ဒဏ် ၃ နှစ် ပေးတာ ခံခဲ့ရပါတယ်။
၁၉၉၂ နှစ်ကုန်ပိုင်းမှာ သာယာဝတီ ထောင်က ပြန်လွတ်လာတယ်။ ထောင်ထဲမှာ ကျန်နေတဲ့ ရဲဘော်တွေကို ကူညီနိုင်ဘို့ နိုင်ငံရေး အကျဉ်းသားဟောင်းတွေနဲ့ အတူတူ ဈေးရောင်းပွဲလေးတွေ လုပ်ပြီး ရံပုံငွေ ရှာကြတော့လဲ တက်တက်ကြွကြွ လုပ်ကိုင်ပါဝင်ခဲ့ပါတယ်။
အဲသည့်နောက် ကျောင်းပြန်မတက်နိုင်တော့ဘဲ မိဘတွေရဲ့ စီစဉ်မှုနဲ့ စင်္ကာပူကို နှစ်အနည်းငယ်ကြာ သွားရောက် အလုပ် လုပ်ခဲ့ပါတယ်။ မိခင်ဖြစ်သူ ကွယ်လွန်သွားခဲ့လို့ သူ မြန်မာပြည်ကို ပြန်လာချိန်မှာတော့ ၁၉၉၆ ဒီဇင်ဘာ ကျောင်းသားလှုပ်ရှားမှုနဲ့ သူ့ရဲ့ အပေါင်းအသင်းဟောင်းတွေ ထောင်ထဲကို နောက်တခေါက် ပြန်ရောက်သွားခဲ့တာကိုလဲ စိတ်မကောင်းစွာဘဲ တွေ့ကြုံခဲ့ရပါတယ်။
အဲသည့်နောက်တော့ သူငယ်ချင်း ကျောင်းသားဟောင်းများ၊ နိုင်ငံရေး အကျဉ်းသားဟောင်းများနဲ့ ၁၉၉၉ ကာလ အတွင်း ဗမာနိုင်ငံလုံးဆိုင်ရာ ကျောင်းသားသမဂ္ဂ ပြန်လည် ဖွဲ့စည်းနိုင်ဖို့ ကြိုးပမ်း ဆောင်ရွက်နေချိန်မှာ စစ်အစိုးက ဖမ်းမိသွားပြီး ထောင်ဒဏ် ၁၇ နှစ် ချခံရတယ်။ အင်းစိန်ထောင်ကနေ မိသားစုနဲ့ ပိုဝေးရာ တောင်ငူထောင်ကို ပြောင်းခံရတယ်။ သူ့ရဲ့ ဖခင်ဖြစ်သူ စာရေးဆရာ ဦးဝင်းဖေ၀င်းဟာ သူထောင်ကျနေဆဲ ကာလမှာ သားကို တ ရင်း ကွယ်လွန်သွားတယ်။
မိသားစုက စားဝတ်နေရေးကြောင့် သူ့ကို ထောင်ဝင်စာ ပုံမှန် မတွေ့နိုင်ပေမဲ့လဲ ကြမ်းတမ်း ခက်ခဲလှတဲ့ အကျဉ်းထောင်တွင်း နေထိုင်မှု ဘ၀တွေကို ကိုဇော်ရဲဝင်းဟာ ကျောင်းသားစိတ်၊ ယုံကြည်ချက်စိတ်တွေနဲ့ ယနေ့တိုင် ရဲရဲဝံ့ဝံ့ ရင်ဆိုင်ကျော်ဖြတ် နေဆဲပါ။ ကိုဇော်ရဲဝင်း အမြန်ဆုံး လွတ်မြောက်ပါစေ။

Nyi Nyi Oo

ကိုညီညီဦး
၁၉၈၈ ဒီမိုကရေစီ အရေးတော်ပုံကြီးမှာ ပါဝင် လှုပ်ရှားခဲ့ပြီး၊ NLD ဖွဲ့စည်းစမှာ သံလျင်မြို့နယ် လူငယ် အဖွဲ့ဝင်တယောက် ဖြစ်ခဲ့ပါတယ်။

အဲဒီတုန်းက သံလျင်ရေနံချက်စက်ရုံ ဗုံးကွဲတယ်။ န၀တ စစ်ထောက်လှမ်းရေးတွေက NLD ကို ပုံစံ အမျိုးမျိုးနဲ့ အပြစ်ရှာနေချိန်မို့ ဗုံးဖောက်ခွဲသူတွေဟာ ကိုညီညီဦး တို့ ဖြစ်တယ် ဆိုပြီး ဖမ်းတယ်။

နောက်ပိုင်းမှာ ကိုကိုနိုင် (၁၉၈၈ မြို့တော်ခန်းမ ဗုံးကွဲမှုကြောင့် အဖမ်းခံရသူ) က ရေနံချက်စက်ရုံ ဖောက်ခွဲမှုဟာ သူ့လက်ချက်လို့ ထွက်ဆိုပေမယ့် လူမှားဖမ်းမိတာကို ၀န်ခံရမှာ စိုးတဲ့အတွက် ကိုညီညီဦးတို့ကို ဆက်ပြီး ဖမ်းထားခဲ့တယ်။ ပြီးတော့ စစ်ခုံရုံးကနေ သေဒဏ် အပြစ်ပေးခဲ့တယ်။

အယူခံ ပြင်ဆင်ချက်တွေကို နည်းလမ်းအမျိုးမျိုးနဲ့ ပယ်ချခဲ့ပြီး ၁/၉၃ ကြေညာချက်နဲ့ သေဒဏ်ကနေ ထောင် တသက်တကျွန်း ပြောင်းလဲလိုက်တယ်။ မိသားစုနဲ့ဝေးရာ တောင်ငူထောင်ကို ရွှေ့လိုက်တယ်။

စစ်ထောက်လှမ်းရေးတွေကြောင့် မတရား ပြစ်ဒဏ်ချမှတ်ခံခဲ့ ရသူတွေကို ပြန်လွတ်ပေးတယ် ဆိုတဲ့ ၂၀၀၄ ခုနှစ်တုန်းကလည်း ကိုညီညီဦး တို့ မလွတ်မြောက်ခဲ့ပါဘူး။

၁၉၉၇ လွတ်ငြိမ်းချမ်းသာအမိန့်ကို ထုတ်ပြန်တဲ့အခါ သူတို့ ပြစ်ဒဏ်ဟာ အကျဉ်းသား ရပိုင်ခွင့် ဖြစ်တဲ့ လျှော့ရက် ခံစားခွင့်တွေကြောင့် လွတ်ရက်စေ့သွားတယ်။ ဒါပေမယ့် နိုင်ငံတော် အကြီးအကဲ ဆိုသူရဲ့ အမိန့်ကို ရှေ့နေချုပ်ရုံးက ကန့်ကွက်တဲ့ အတွက် ကိုညီညီဦးတို့ တသက်တကျွန်း ပြစ်ဒဏ်ကို ဆက်လက် ခံစားနေရပါတယ်။

ဒီနေ့ထိဆို ၂၃ နှစ်တာ ကာလထဲ ရောက်ခဲ့ပါပြီ။ ကိုညီညီဦးတို့ဟာ လူငယ်ဘ၀ ဆုံးရှုံးခံပြီး ၂၃ နှစ် လုံးလုံး ထောင်ကျခံနေရဆဲပါ။

မတရားဖမ်းဆီး၊ အပြစ်ပေးခံရတဲ့ ကိုညီညီဦး၊ ကိုသန်းဇော်တို့ အမြန်ဆုံး လွတ်မြောက်ပါစေ။

(ကိုသန်းဇော်ဟာ ကိုညီညီဦးနဲ့အတူ သေဒဏ် စီရင်ချက် ချခံရတဲ့ သန်လျင် NLD လူငယ် ဖြစ်ပြီး သရက်ထောင်မှာ ရှိနေပါတယ်။)

သားကြီး

Aung Thu

အောင်သူ


နာမည် အပြည့်အစုံ ခေါ်မယ်ဆို “တံတားနီအောင်သူ”

၈၈ မတ်လ ရန်ကုန်တက္ကသိုလ်တွင်း ကျောင်းသားဆန္ဒပြပွဲ၊ မတ်လ ၁၆ တံတားနီ ဆန္ဒပြပွဲကို ဦးဆောင်လာသူ။ တံတားနီဖြစ်ရပ်မှန်ကို စာတမ်းရေး ဖြန့်ဝေခဲ့သူ။

၈၉ မှာ ထောက်လှမ်းရေးက ခဏခဏ ဖမ်းစစ်ဆေး။ နောက်ဆုံးတော့ အင်းစိန်ပို့ကာ ၂ နှစ်လောက် အချုပ်ဘ၀ ထားခဲ့ပြီး ၉၁ မှာ ထောင်ဒဏ် ၅ နှစ် ကျခံခဲ့ရသူ။

အင်းစိန်ထောင်မှာ အဖေ ဦးဘိုးအောင် နဲ့ သား အောင်သူ။ သားအဖ၂ယောက်ရဲ့ အမှတ်တယများက ဘယ်လိုမှ မေ့မရ။ အစဉ်အလာနဲ့ ယုံကြည်ရာ ကြားက ပဋိပက္ခ ပြေငြိမ်းရာ-

မိခင်ဖြစ်သူက ခင်ပွန်းနဲ့သားအတွက် တပတ်တခါ ထောင်ဝင်စာလာ၊ ဖွယ်ဖွယ်ရာရာနဲ့။ အခုတော့ ဖခင်ဖြစ်သူက မရှိတော့။ မိခင်ကြီးကလဲ တသက်တာ ထောင်ဝင်စာ ခရီးကြောင့် ကျန်းမာရေး မကောင်း။

အောင်သူက သူငယ်ချင်းတွေကို ခင်သလို ယုံကြည်ချက်ကိုလည်း ဘယ်တော့မှ မပြင်တတ်။ စကားလုံးကောင်းကောင်းနဲ့ သီချင်းတွေ ရေးတတ်သလို အတွေး ကောင်းကောင်းနဲ့လဲ နောက်တတ် ပြောင်တတ်။

ထောင်ကလွတ်လာပြီး မိသားစုဘ၀လေး တည်ဆောက်နေရင်း ၉၆ ဒီဇင်ဘာ ကျောင်းသား လှုပ်ရှားမှုမှာလည်း ပါဝင်ခဲ့၊ အဖမ်းအဆီးတွေကို ရှောင်တိမ်းခဲ့ရသေး။

နောက်ဆုံးတော့ ၈၈ မျိုးဆက် ကျောင်းသားများ၊ သူငယ်ချင်းဟောင်းများနဲ့ ပြန်လက်တွဲ၊ နိုင်ငံမှာ အဓိက အကျဆုံး “အမျိုးသား ပြန်လည်သင့်မြတ်ရေး” ကို အကောင်အထည်ဖော်ဖို့ ကြိုးစားရင်း ထောင် ၆၅ နှစ် ချခံရပြီး မြန်မာပြည်မြောက်ဖျား ပူတာအိုထောင်ထိ ပို့ခံထားရသူ။

တခါတခါ အကြော ဆိုင်းသွားတတ်တဲ့ ရောဂါနဲ့ အလွန် အေးပါတယ် ဆိုတဲ့ ရာသီဥတုကြား ယုံကြည်ချက်နဲ့ အသက်ရှင်နေသူ။

သူငယ်ချင်းတွေကို ချစ်တဲ့သူ။ မြန်မာပြည်ကို ချစ်တဲ့သူ။ မိခင်နဲ့ဝေး အိမ်နဲ့ ဝေးနေတဲ့သူ။ ကျွန်တော်တို့ ဘယ်လိုမှ မေ့မရတဲ့သူ။

အောင်သူ။
နာမည်အပြည့်အစုံ ခေါ်မယ်ဆို “တံတားနီအောင်သူ”

သားကြီး၊ ၂၀၁၀ ဒီဇင်ဘာ ၁၃